Элизабет Тэйлорын анхны хуримын даашинз бэлхүүсээрээ 50см байсан

Элизабет Тэйлорын 60 жилийн тэртээ өмсөж байсан хуримын даашинз одоо ч  үнэ  цэнээ  алдаагүй  байна.  Лондонд  болсон  үзэсгэлэн  худалдааны  үеэр  энэ даашинз 180 мянган долларын үнэ хүржээ.

Үзэсгэлэнгийн зохион байгуулагчид энэ даашинзыг 30 мянган доллар хүрнэ хэмээн таамаглаж байсан ч ширүүн өрсөлдөөний эцэст Английн буяны байгууллага ялжээ.  

Жүжигчин бүсгүй амьдралынхаа турш 8 удаа шүтээний өмнө зогссон.

Харин зочид буудлын  эзэн  Конрад  Хилтонтой  гэрлэхдээ  өмссөн  энэ  сүүн  цагаан  даашинз түүний хамгийн сайхан даашинз гэж хүн бүр хүлээн зөвшөөрдөг. 

Энэ  даашинзыг  домогт  загвар  зохион  бүтээгч  Хелен  Роуз  Метро  Голден  Мэйер компаний  захиалгаар  урлажээ.  

Хелен  Роуз  Монакогийн  гүнж  үзэсгэлэнт  Грэйс Келлигийн  хуримын  даашинзыг  мөн  урласан  юм.  

Элизабет  Тэйлорын  хуримын даашинзыг  бүтээхийн  тулд  15  хүн  гурван  сарын  турш  хөдөлмөрлөсөн  гэдэг. 

Даашинзын загварыг Элизабетийн 1950 онд тоглосон “Бэрийн аав” киноны хувцас загвараас сэдэвлэжээ.  

Сувдаар чимэглэсэн сүүн цагаан өнгөтэй хуримын аашинзыг Элизабет Тэйлорын гоолиг  биеийг  гайхуулахын  тулд  50см-ын  бэлхүүсний  тойрогтой  байхаар  эсгэж байжээ. 

Элизабет  Тэйлор  хуримынхаа  дараа  буяны  үзэсгэлэн  худалдаанд  даашинзаа

хандивласан  юм.  

Хэдийгээр  жүжигчин  бүсгүй  гэрлэлт  9  сарын  настай  байсан  ч даашинзны хоёр дахь эзний гэрлэлт эзэндээ аз жаргал авчирсан билээ.